آنندی بین پٹیل نے بطور گورنر حلف لیا

ریاستی ہائی کورٹ کے چیف جسٹس اے کے متل نے راج بھون کے آڈیٹوریم میں منعقدہ ایک مختصر اور باوقار تقریب میں محترمہ پٹیل کو بطور گورنر حلف دلایا۔

مدھیہ پردیش کی گورنر کے طور پر آج یہاں محترمہ آنندی بین پٹیل نے حلف لیا۔ ریاستی ہائی کورٹ کے چیف جسٹس اے کے متل نے راج بھون کے آڈیٹوریم میں منعقدہ ایک مختصر اور باوقار تقریب میں محترمہ پٹیل کو بطور گورنر حلف دلایا۔

اس موقع پر وزیر اعلی شیوراج سنگھ چوہان، سابق وزیر اعلی کمل ناتھ اور سینئر عہدیدار موجود تھے۔ پروگرام کی نظامت چیف سکریٹری اقبال سنگھ بیس نے کی۔کورونا کے پیش نظر پروگرام میں بہت ہی کم لوگوں کو مدعو کیا گیا تھا اور سوشل ڈسٹینسنگ وغیرہ کابھی مناسب انتظام تھا۔

مدھیہ پردیش کے گورنر لال جی ٹنڈن طبیعت کی خرابی کے سبب گذشتہ چندروز سے آبائی شہر لکھنئو کے ایک ہسپتال میں داخل ہیں۔ ایسی صورت میں صدر نے اترپردیش کی گورنر محترمہ پٹیل کو مدھیہ پردیش کے گورنرکا چارج بھی سونپا ہے۔گورنر محترمہ پٹیل آج شب یہیں پر آرام کریں گی اور کل ریاستی کابینہ توسیع کے پیش نظر نئے وزراء کوحلف دلائیں گی۔