آنندی بین کو مدھیہ پردیش کے گورنر کی اضافی ذمہ داری

اترپردیش کی گورنر آنندی بین پٹیل کو مدھیہ پردیش کے گورنر کی ایڈیشنل ذمہ داری سونپی گئی ہے۔

صدر کے سرکاری ویب سائٹ پر اس سلسلے میں اتوار کی شام یہ اطلاع دی گئی۔

مدھیہ پردیش کے گورنر لال جی ٹنڈن کی صحت کی خرابی کی وجہ سے آنندی بین پٹیل کو یہ ذمہ داری دی گئی ہے۔

ریلیز کے مطابق صدر رام ناتھ کووند نے مدھیہ پردیش کے گورنر لال جی ٹنڈن کی غیر موجودگی میں اترپردیش کی گورنر آنندی بین پٹیل کو اترپردیش کے علاوہ مدھیہ پردیش کے گورنر کی ایڈیشنل ذمہ داری حوالے کی ہے۔

واضح رہے کہ مدھیہ پردیش کے گورنر لال جی ٹنڈن پیشاب میں انفیکشن سمیت متعدد بیماریوں کی وجہ سے لکھنؤ کے میدانتا اسپتال میں بھرتی ہیں۔

اسپتال سے جاری ہیلتھ بلیٹن کے مطابق ان کی حالت بہتر ہو رہی ہے حالانکہ ابھی انہیں لائف سپورٹ سسٹم پر رکھا گیا ہے۔