ریاست مدھیہ پردیش کے دارالحکومت بھوپال کے مضافتی علاقے اسلام نگر ایٹ کھڑی میں جاری چار روزہ عالمی اجتماع مولانا سعد کی دعا کے ساتھ اختتام پذیر ہوا۔
اجتماع کے اخری دن علما کرام نے اپنے خطاب میں اخوت و بھائی چارہ پر زور دیا۔ مولانا سعد نے لوگوں کو نبی صلی اللہ علیہ و سلم کی سنت پر چلنے کی ہدایت دی اور ملک میں امن امان قائم رہنے کے لیے دعا کی۔
بعد نماز فجر مختلف مجلسوں میں اکابرین نے خطاب کرتے ہوئے اس پر زور دیا کہ انسانی زندگی چند روزہ ہے اور ایک روز اس دنیا کو بھی فنا ہونا ہے۔ انسان اگر دنیا و آخرت کی کامیابی چاہتا ہے تو اللہ کے دین اور نبی کریم حضرت محمد صلی اللہ علیہ وسلم کے بتائے ہوئے راستے پر عمل پیرا ہوجائیں۔
مذکورہ عالمی اجتماع میں ملک اور بیرون ملک سے فرزندان توحید اجتماع گاہ پہنچے، اور اکابرین کے خطاب کو بڑی سنجیدگی سے سنا۔
عالمی تبلیغی اجتماع اختتام کے اختتامی دعا میں مولانا سعد نے ملک میں امن و امان کے ساتھ خوشحالی کے لیے خصوصی دعا کی۔