مدھیہ پردیش: کورونا متاثرین کی تعداد میں خاطرخواہ کمی

مدھیہ پردیش میں کورونا معاملوں میں کمی دیکھی جارہی ہے، آج 18 افراد میں کورونا کی تشخیص کے بعد یہاں کل کورونا کے 101 ایکٹیو کیسز ہیں، ریاست میں ویکسینیشن مہم زور و شور سے جاری ہے۔

ریاست مدھیہ پردیش میں کورونا متاثرین کی تعداد میں مسلسل کمی دیکھی جارہی ہے، پورے ریاست کورونا متاثرین کی کل تعداد 101 ہے۔ حکومت کی جانب سے اپیل کی گئی ہے کہ کورونا پروٹوکول کا خاص خیال رکھیں، ساتھ ہی اس بات کی بھی جانکاری دی گئی ہے کی صوبے میں 5 کروڑ 50 لاکھ میں سے 4 کروڑ 78 ہزار افراد کو ویکسین لگائی ہے۔

وہیں صوبے میں 70 فیصد لوگوں کو کورونا کا پہلا ٹیکہ لگ چکا ہے۔ کورونا کی تیسری لہر کے تعلق سے حکومت کی جانب سے انتظامات جاری ہیں۔

حکومت کی جانب سے یہ بھی اعلان کیا گیا ہے کہ پوری ریاست میں اسکول و کالجز کو بھی وقت اور حالات کے حساب سے کھولا جارہا ہے۔ اب تک جو بھی تعلیمی ادارے کھلے ہیں وہاں پر کورونا پروٹوکال کا خاص خیال رکھا جارہا ہے۔

انہوں نے کہا کہ اگر عوام مکمل طور پر کورونا سے نجات چاہتے ہیں تو انہیں حکومت کا ساتھ دینا ہوگا۔