کریسنٹ پبلک اسکول میں رنگا رنگ پروگرام کا انعقاد

بہار کے بھاگلپور میں واقع کریسنٹ پبلک اسکول میں یوم والدین کے موقع پر رنگا رنگ پروگرام کا انعقاد کیا گیا جس میں بچوں نے رقص، ڈرامہ و قوالی پیش کی۔

بچوں کے پروگرام کو دیکھ کر پروگرام میں موجود لوگوں نے بھی خوب تالیاں بجائین۔ اس موقع پر مہمان خصوصی کی حیثیت سے تلکا مانجھی یونیورسٹی بھاگلپور کے وائس چانسلر، بھاگلپور یونیورسٹی کے سابق رجسٹرار پروفیسر طاہر حسین، پروفیسر اسلام حسین، راشٹریہ سیوا دل کے ضلع صدر عین الہدی عرف لڈو، ناگرک سیوا سمیتی کے صدر رضوان خان، انقلاب کے بیورو چیف تسنیم کوثر وغیرہ موجود تھے۔

اس موقع پر کریسنٹ اسکول کے ڈائریکٹر محمد رضی صاحب نے کہا کہ ان کی کوشش رہتی ہے بچوں کو اچھی تعلیم کے ساتھ ساتھ فنون لطیفہ کا علم بھی مہیا کرایا جائے اور اس میں ہم کافی حد تک کامیاب ہوئے ہیں۔ اسی مقصد سے سالانہ اجلاس کا انعقاد کیا جاتا ہے جس میں بچوں کو فنون لطیفہ کا اظہار کرنے کا موقع فراہم کیا جاتا ہے۔