فٹ پاتھ پر رہنے والوں کے کے لیے کھانے کا انتظام

ریاست بہار کے بھاگلپور کی اہم سڑکوں پر ُسمت جین یوں ہی روزانہ اپنی اسکوٹی پر بسکٹ اور پانی کا بوتل لے کر نکل پڑتے ہیں جو بھوکے اور پیاسے محتاج لوگوں کے درمیان تقسیم کرتے ہیں۔

ُسمت جین بھاگلپور لائنس کلب کے صدر ہیں اور مصیبت کی اس گھڑی میں جہاں لاک ڈاؤن کی وجہ سے غریب اور مزدور طبقہ دانے دانے کو محتاج ہے ان ضرورت مندوں کی مدد میں پیش پیش ہیں۔

سمت جین اور ان کے ساتھیوں نے وزیر اعظم راحت فنڈ میں بھی عطیہ دینے کا اعلان کیا ہے۔ اس کے علاوہ غریبوں اور بے سہارا لوگوں کو کھانے کی اشیاء بھی تقسیم کر رہے ہیں تاکہ ضرورت مندوں کی بھوک اور پیاس مٹ سکے۔ کیونکہ لاک ڈاؤن کی وجہ سے بہت سے لوگ بھوکے اور پیاسے ہیں جن کے پاس اپنا گھر نہیں ہے اور فٹ پاتھ پر بھیک مانگ کر کسی طرح اپنا پیٹ پالتے تھے۔ سمیت جین لائنس کلب کے ممبران کے تعاون سے یہ کام انجام دے رہے ہیں۔

بھاگلپور جیسے شہر میں دیہاڑی مزدوروں کی ایک بڑی تعداد ہے جو روزانہ کماتے اور کھاتے ہیں لیکن لاک ڈاؤن کی وجہ سے وہ مجبور ہوگئے ہیں نہ ہی کمانے کا کوئی ذریعہ ہے اور نہ ہی حکومت کی طرف سے ان ایسے لوگوں تک مدد پہنچ رہی ہے ایسے میں سمیت جین جیسے لوگ ضرورت مندوں کی مدد کرکے رہے ہیں۔