بہار اسمبلی انتخاب: پپو یادو کا اسٹیج ٹوٹ گیا، متعدد افراد زخمی

بہار اسمبلی انتخابات 2020 کے پہلے مرحلے کی ووٹنگ کے بعد اب دوسرے اور تیسرے مرحلے کے لیے تشہیری مہم زوروں پر ہے، جہاں سیاسی پارٹیاں ووٹرز کو راغب کرنے کے لیے ہر ہتھکنڈے اپنارہے ہیں، اور اپنے امیدواروں کے حق میں ووٹ کرنے کی اییل کر ہے ہیں۔

مظفر پور: بہار اسمبلی انتخاب کی تشہیر کے لیے مظفر پور پہنچے جن ادھیکار پارٹی کے سربراہ پپو کا اسٹیج اچانک ٹوٹ جانے سے سابق رکن پارلیمنٹ پپو یادو کا ہاتھ ٹوٹ گیا ہے۔ اس حادثہ میں کئی لوگوں کے سنگین طور پر زخمی ہونے کی بھی اطلاع ہے۔ حادثہ کے وقت اسٹیج پر بڑی تعداد میں لوگوں کا ایک جم غفیز موجود تھا۔

حادثہ کے بعد پپو یادو نے صحافیوں سے کہا کہ لوگوں کے پیار اور محبت کے سبب انہیں زیادہ چوٹ نہیں آئی۔ انہوں نے مزید کہا کہ 'میں صحت مند ہو کر جلد عوام کے درمیان واپس آؤں گا'۔

مذکورہ واقعہ مظفر پور کے مینا پور سے ہے جہاں جن ادھیکار پارٹی کے انتخابی جلسہ میں لوگوں کا ایک جم غفیز موجود تھا۔ اپنی پارٹی کے انتخابی جلسہ میں پپو یادو عوام سے خطاب کر رہے تھے۔ اس دوران اسٹیج پر بڑی تعداد میں لوگ چڑھ گئے اور اسٹیج ٹوٹ گیا۔

حادثہ کے فوراً بعد ابتدائی علاج کے لیے پپو یادو کو مقامی ہسپتال داخل کیا گیا۔ بعد ازاں پپو یادو نے کہا کہ لوگوں کی محبت اور دعاؤں کے سبب انہیں زیادہ چوٹ نہیں آئی۔ انہوں نے کہا کہ جلد ہی صحت مند ہو کر وہ عوام کے درمیان لوٹیں گے۔