ریاست بہار کے ضلع بھاگلپور میں شہریت ترمیمی قانون کے خلاف خاموش احتجاجی مارچ نکالا گیا اس دوران مظاہرین نے شہریت ترمیمی قانون کے واپس لینے کی حکومت سے مانگ کی ۔
شہر و گاؤں کی مختلف تنظیموں کی جانب سے بلائےگئے اس مشترکہ خاموش احتجاج میں ہزاروں لوگ جمع ہوئے، اور حکومت کی جانب سے لائے گئے شہریت ترمیمی قانون کو وپاس لینے کی مانگ کی اس دوران مظاہرین کا کہنا تھاکہ اس قانون کے ذریعے مسلمانوں کو ان کے حقوق سے محروم کرنے کی سازش نہ کی جائے۔
اس مظاہرے میں بڑی تعداد میں لوگوں نے شرکت کی اور حکومت کے تئیں غصے کا اظہار کیا، شہر کے کلکٹریٹ سے لےکر پوسٹ آفس اور بھیکن پور تک لوگوں کا ہجوم تھا جو سڑکوں پر اتر آیا تھا۔ کچھ لوگ اپنے ہاتھوں میں کالی پٹی باندھ کر احتجاج کر رہے تھے، تو کچھ لوگوں نے اپنے ہاتھوں میں ترنگا اٹھا رکھا تھا۔ کلکٹریٹ کے پاس جمع ہوکر ڈی ایم کو میمورنڈم دینے کے بعد پرامن طریقے سے مظاہرین اپنے گھر کو واپس لوٹ گئے
شہر کے چار مراکز کو مظاہرین کے جمع ہونے کے لیے منتخب کیا گیا تھا جس میں برہ پورہ عید گاہ میدان، شاہ جنگی میلا میدان، زیرو مائل، اور زون مسلم ہائی اسکول تھا، جہاں لوگ ان مراکز پر جمع ہوئے اور پھر وہاں سے پیدل مارچ کرتے ہوئے کلکٹریٹ کے پاس اکٹھا ہو کر ضلع کلکٹریٹ کے ہاتھوں صدر جمہوریہ کے نام میمورنڈم سونپا۔
