ریاستی وزیر کا سرکاری دفاتر کا دورہ

ریاست کرناٹک کے محکمہ مویشیان، اقلیتی بہبود اور بیدر ضلع انچارج  و وزیر پربھو چوہان نے ضلع کے مختلف سرکاری دفاتر کا اچانک دورہ کیا۔

ریاستی وزیر نے سب سے پہلے سی ایم سی بیدر سٹی میونسپل کونسل کا دورہ کیا اور وہاں کے ملازمین کا حاضری رجسٹر کا جائزہ لیا۔

محکمہ بلدیہ میں 55 ملازمین خدمت انجام دیتے ہیں جن میں سے اس وقت دو لوگ ڈیوٹی پر نہیں تھے، وزیر موصوف نے کمشنر سے دو ملازمین کی غیر حاضری کی وجہ دریافت کی، جس پر کمشنر نے کہا کہ ملازمین کی تاخیر سے آفس آنے کی وجہ سے ان کو غیرحاضر قرار دیا گیا ہے۔

اس موقع پر وزیر نے محکمہ بلدیہ کے تمام شعبہ جات کا تفصیلی جائزہ لیا اور کمشنر و تمام اسٹاف کو وقت پر آفس پہنچنے اور شہر میں صاف صفائی کو ترجیحات کی بنیاد پر کام کرنے کی تلقین کی۔