بنگلورو میں، ہاتھرس معاملے کے خلاف احتجاج

بنگلورو میں ہاتھرس معاملے کے خلاف احتجاج، یوگی آدتیہ ناتھ حکومت کو برطرف کیا جائے۔

دارالحکومت بنگلورو کے میسور بینک سرکل پر دلت سماج کی تنظیموں کی جانب سے اتر پردیش ہاتھرس میں دلت لڑکی پر ہوئے مظالم کے خلاف پر زور احتجاج منعقد کیا گیا جس میں علمائے کرام نے بھی شرکت کی.

اس موقع پر دلت رہنماؤں نے اتر پردیش حکومت پر طنز کرتے ہوئے کہا کہ آدتیہ ناتھ کا اقتدار میں ساری ریاست جنگل راج میں تبدیل ہوگئی ہے۔ انصاف نامی کوئی شئی یہاں باقی نہ رہی۔ خواتین پر زیادتی ایک رواج بن چکا ہے۔اس موقع پر مولانا عزیر نے حکومت سے مطالبہ کیا کہ مظلوم لڑکی کے اہل خانہ کو موزوں معاوضہ کے ساتھ کسی ایک فرد کو سرکاری نوکری دی جائے۔مزید پڑھیں:

احتجاج میں شریک معروف سماجی کارکن ایڈوکیٹ میتری نے بتایا کہ ملک میں دستوری نظام کو ناکارہ کردیا گیا ہے۔ انہوں نے کہا کہ بی جے پی اقتدار والی ریاستوں میں 'بیٹی بچاؤ'کے نعرے کو حکومت نے گویا نیا معنی دیا ہے کہ لوگ اپنی بیٹیوں کو بھاجپا والوں سے بچائیں۔