معروف سماجی کارکن ماروتی مانپاڈے کو خراج عقیدت پیش کیا گیا

ریاست کرناٹک کے ضلع گلبرگہ کے مشہور و معروف سماجی کارکن کامریڈ ماروتی مان پاڈے کی یاد میں یہاں کے رنگ مندر میں ایک اجلاس منعقد ہوا اس موقع پر ان کی خدمات کو یاد کرتے ہوئے انہیں خراج عقیدت پیش کیا گیا۔

ریاست کرناٹک سے تعلق رکھنے والے سماجی کارکن عبدالرزاق نے کہا کہ 'مان پاڈے سی پی ایم کے سینئر رہنما تھے۔ وہ ہمیشہ ایک سیکولر ذہن رکھنے والے تھے۔ ساتھ ہی وہ کسان، مزدور غریب عوام کے حقوق کے لئے ہمیشہ اپنی آواز کو بلند کر تے رہے۔'

انہوں نے سی اے اے، این آر سی مخالف تحریکوں میں عوام کو جوڑنے کام کیا تھا۔ آج وہ ہمارے بیچ نہیں ہیں۔ ان کی خدمات کو یاد کر تے ہوئے ان کی تحریک کو آگے بڑھانے کے لئے ماروتی مان پاڈے کے فولورس نے اس اجلاس اہتمام کیا ہے۔