یادگیر: 'وبا کے دوران صحافیوں کی خدمات قابل ستائش'

ریاست کرناٹک کے ضلع یادگیر کے پریس کلب میں ایک اجلاس منعقد ہوا، جس میں ریاستی سیکریٹری چندر شیکھر و بی جے پی کسان مورچہ کی جانب سے شہر کے تمام صحافیوں کو ماسک سنیٹائزر تقسیم کیا گیا۔

اس موقع پر خطاب کرتے ہوئے ریاستی سیکرٹری چندرشیکھر نے کہا کہ 'صحافی فرنٹ لائن ورکرز کے طور پر کام کر رہے ہیں، موجودہ حالات میں ڈاکٹر پولیس اور صحافی ان تینوں احباب کی خدمات کو ہمیشہ یاد رکھا جائے گا'۔

چندر شیکھر نے کہا کہ 'صحافیوں کو چاہئے کہ وہ اپنی صحت کا خاص خیال رکھیں اور ڈبل ماسک لگائیں، کیونکہ صحافیوں کو مختلف جگہوں پر جانا پڑتا ہے، اس کے لئے انہیں زیادہ احتیاط برتنے کی ضرورت ہے'۔

اس دوران انہوں نے صحافیوں کو ویکسین لینے کی بھی صلاح دی، اس موقع پر کرناٹک یونین آف ورکنگ جرنلسٹ ایسوسی ایشن کے صدر آندودھر نے کہا کہ 'آپ جہاں کہیں بھی جائیں، ماسک ضرور لگائیں اور سماجی فاصلے کا خاص خیال رکھیں'۔

انہوں نے کہا کہ 'کئی بار صحافیوں کو مشکل حالات سے گزرنا پڑتا ہے، موجودہ حالات میں کورونا اور لاک ڈاؤن میں صحافیوں کی ذمہ داری اور بھی بڑھ گئی ہے'۔