ایس ڈی پی آئی کے امیدوار عبدالحنان نے انتخابی ریلی سے خطاب کرتے ہوئے کہا کہ جب وہ جیت کر ایوان میں جائیں گے تب سب سے پہلے بدعنوان افراد کو منظر عام پر لائیں گے اور کہا کہ جتنی وقف کی جائیدادادوں پر بدعنوان قابض ہیں اسکی نشاندھی کریں گے۔
اس موقع پر مذکورہ جماعت کے رہنماوں نے خطاب کرتے ہوئے کانگریس اور بی جے پی کو ہدف تنقید بنایا، انھوں نے کہا کہ کانگریس برسوں سے مسلمانوں کو بی جے پی سے ڈراتی آئی ہے تو دوسری جانب بی جے پی نفرت اور فرقہ واریت کو فروغ دیتی آئی ہے۔ ایس ڈی پی آئی کے رہنماوں نے کہا کہ موجودہ وقت میں انکی پارٹی ایک متبادل جماعت ہے۔ انھوں نے دعوی کیا کہ ایس ڈی پی آئی کے امیدوار کو ایس سی، ایس ٹی اور او بی سی طبقات کی حمایت حاصل ہے، اور انھیں یقین ہیکہ انکا امیدوار زبردست اکثریت سے کامیاب ہوگا۔
