ساتویں تا نویں جماعتوں کے طلبا بغیر امتحانات کے پاس ہوں گے

کرناٹک میں کوورنا وائرس کے سبب نافذ کیے گئے 21 دنوں کے لاک ڈاؤن کے درمیان تمام اسکولوں میں گرمائی تعطیلات دینے کا اعلان کرتے ہوئے اول تا ششم جماعتوں کے طلبا کو بغیر سالانہ امتحان کے پاس کرنے کا اعلان کیا گیا تھا۔

اس اعلان کے بعد ساتویں آٹھویں اور نویں جماعتوں کے طلبا و طالبات اپنے امتحانات کو تعلق سے محکمہ تعلیم کی جانب سے کسی قسم کا اعلان سامنے نہ آنے کے پیش نظر سخت الجھن کا شکار تھے۔

تاہم آج ریاستی وزیر تعلیم سریش کمار نے اعلان کیا ہے کہ ساتویں آٹھویں اور نویں جماعتوں کے طلبا و طلبات بغیر سالانہ امتحانات کے پاس کیے جائیں گے اور انہیں اگلی جماعتوں میں داخلہ دیا جائے گا۔

وزیر تعلیم نے پی یوسی کے سالانہ امتحان کے ملتوی کیے گئے پرچہ اور ایس ایس ایل سی امتحان کے انعقاد کے بارے میں لاک ڈون کی معیاد 14 اپر یل کو ختم ہونے کے بعد فیصلہ لینے کی بات کہی ہے۔