رفاہ چیمبر آف کامرس مسلم معاشرے میں کاروبار کو فروغ کے لیے کوشاں

آج بنگلورو کے دارالسلام ہال میں رفاہ چیمبر آف کامرس اینڈ انڈسٹری کی جانب سے ایک بزنس نیٹ ورکنگ اجلاس کا انعقاد کیا گیا، جس میں کئی کاروباریوں اور صنعتکاروں نے شرکت کی۔ اس اجلاس میں مسلمانوں میں کاروبار کو فروغ دینے کے سلسلے میں گفتگو ہوئی جہاں ڈاکٹر طلحہ نے اپنے خطاب میں حاضرین کی رہنمائی کی۔

ای ٹی وی بھارت سے بات کرتے ہوئے تنظیم کے ذمہ داران نے بتایا کہ مسلم معاشرے میں کاروبار کے فروغ کی غرض سے رفاہ چیمبر آف کامرس اینڈ انڈسٹری کا قیام عمل میں آیا ہے اور یہ ملک بھر میں سرگرم ہے۔ موجودہ کاروباریوں کی رہنمائی کرنا، نئے اسٹارٹ اپز کا ہاتھ تھام کر ان کی نگرانی کے ساتھ انہیں آگے لانا رفاہ کا اصل مقصد ہے۔

اس موقع پر رفاہ چیمبر آف کامرس اینڈ انڈسٹری کے بنگلورو چیپٹر کی تشکیل دی گئی اور اختر علی کو صدر منتخب کیا گیا۔

رفاہ چیمبر آف کامرس اینڈ انڈسٹری کی جانب سے یہ طے پایا کہ ہر مہینے اس قسم کے اجلاس منعقد کیے جائیں تاکہ شہر کے تمام کاروباری اپنے تجربات شیئر کر سکیں اور ایک دوسرے کا تعاون کرتے ہوئے آگے بڑھیں۔

رفاہ چیمبر آف کامرس