سی اے اے، این آرسی کے خلاف ریلی

بہوجن سماج پارٹی ضلع یادگیر کے صدر تجمل حسین نے میڈیا سے بات کرتے ہوئےکہا کہ این آر سی اور سی اے اے کے خلاف بہوجن سماج پارٹی 27 ڈسمبر دوپہر تین بجے تا پانچ بجے ایک احتجاجی ریلی نکالے گی۔

کرناٹک کے ضلع یادگیر شہر کے گیسٹ ہاؤس روبرو اولڈ بس اسٹینڈ میں بہوجن سماج پارٹی کی جانب سے ایک پریس کانفرنس کا انعقاد عمل میں آیا۔

اس موقع پر کہا گیا کہ سی اے اے اور این آر سی کے خلاف گاندھی چوک سے ڈپٹی کمشنر آفس تک ریلی نکالی جائے گی۔
اور ڈپٹی کمشنر کو ایک یادداشت پیش کی جائے گی۔
جس میں مرکزی حکومت سے سی اے اے اور این آر سی واپس لینے کا مطالبہ کیا جائے گا۔
بہوجن سماج پارٹی کے ریاستی نائب صدر واسو نے اپنے خطاب میں کہا کہ مرکزی حکومت کی غلط پالیسیوں کی وجہ سے آج ملک بھر میں عوام پریشان ہے۔
انہوں نے عوام سے اپیل کی ہے کہ مرکزی حکومت کی غلط پالیسیوں کے خلاف مظاہرے کے لیے اس ریلی میں زیادہ سے زیادہ تعداد میں شرکت کریں۔
انہوں نے اس احتجاجی ریلی میں شرکت کرنے والوں سے اپیل کی کہ وہ ملک کے موجودہ حالات میں امن و امان کی برقراری میں اہم رول ادا کریں۔
اس موقع پر آنند، ہنمنت، بابوراو، صدام حسین، بھاسکر مریپا، کستوری کے علاوہ دیگر موجود تھے۔