درگاہ حضرت شیخ دکنؒ میں محفلِ قصیدہ بردہ شریف کا اہتمام

بارگاہ حضرت شیخ دکن علیہ الرحمہ شیخ روضہ گلبرگہ میں محفلِ قصیدہ بردہ و درود شریف کا اہتمام کیاگیا۔

کرناٹک کے گلبرگہ درگاہ حضرت شیخ دکنؒ میں ڈاکٹر محمد افضل الدین جنیدی سراج بابا جانشین سجادہ نشین کی نگرانی میں محفلِ قصیدہ بردہ و درود شریف کا اہتمام کیا گیا۔

ہر سال میلاد النبیﷺ کے موقع پر درگاہ شریف میں مختلف تقاریب کا اہتمام کیا جاتا ہے جبکہ جاریہ برس بھی محفل قصیدہ و درود شریف کی محفل منعقد کی گئی۔

اس موقع پر قصیدہ و درود شریف کی فضیلت سے حاضرین کو واقف کرایا گیا۔ محفل کا بڑے ادب و احترام کے ساتھ انعقاد عمل میں لایا گیا۔

واضح رہے کہ گلبرگہ تاریخ شہر ہے جہاں متعد اولیائے کرام کی بارگاہیں موجود ہیں جنہیں تاریخی حیثیت بھی حاصل ہے۔