بی جے پی، سی اےاے قانون نافذ کرکے ملک کو باٹنا چاہتی ہے: انیل پاٹل

دھارواڑ ضلع کانگریس پارٹی کے صدر انیل پاٹل نے کہا کہ ملک میں بی جے پی حکومت سی اےاے قانون نافذ کر کے ملک کو باٹنے کی کوشش کررہی ہے۔

ریاست کرناٹک کے شہر دھارواڑ میں دلت ہندو مسلم رہنماوں کی جانب سے کلبھون میدان میں شہریت ترمیمی قانون کے خلاف احتجاجی اجلاس منعقد ہوا۔

اس موقعہ پر دھارواڑ ضلع کانگریس پارٹی کے صدر انیل پاٹل نے ای ٹی وی بھارت کو بتاتے ہوئے کہاکہ ملک میں بی جے پی حکومت سی اے اے قانون نافذ کر کے ملک کو باٹنے کی کوشش کررہی ہے۔

انہوں نے کہا کہ بی جے پی ملک میں ووٹنگ کےلئے مسلم طبقے کو نشانہ بنانے کی کوشش کررہی ہے۔

اس احتجاج میں تمام مذاہب کے رہنماؤں نے شرکت کرکے اس احتجاج کو پر امن احتجاج بنا یا۔

انیل پاٹل نے کہا کہ ملک کے مسلمانوں کو گھبرا نے کی کوئی ضرورت نہیں ہے، یہ ملک ایک سیکولر ملک ہے، یہاں آج بھی سیکولر لوگ موجود ہیں.

اس ملک کی آزادی اور ترقی کےلئے ہند مسلم سیکھ عیسائی سبھی نے اپنے جان کی قربانی دی ہے، ہم اس کو کبھی ضائع نہیں ہونے دینگے۔