امن اور بھائی چارے کے لیے دعا

بھارت کی جنوبی ریاست کرناٹک کے شہر بنگلورو میں شہریت ترمیمی قانون کے خلاف سڑکوں پر احتجاج اور مساجد میں دعائیں کی جارہی ہیں۔

ملک میں امن کے قیام کے لئے سڑکوں پر احتجاج اور مسجدوں میں دعائیں ہورہی ہیں۔
بی جے پی حکومت کی جانب سے نافذ کردہ شہریت ترمیمی قانون، این آر سی اور این پی آر کے خلاف ملک بھر میں احتجاج جاری ہے اور دوسری جانب مساجد میں خصوصی ذکر و دعاؤں کی مجالس سجائی جارہی ہیں۔

ملک میں امن کے قیام اور بھائی چارے کو فروغ دینے کی نیت سے شہر کی قادریہ مسجد میں بڑے پیمانے پر آل انڈیا ریم دعوت اسلامی کی جانب سے ایک خصوصی ذکر و اذکار و دعائیہ مجلس کا اہتمام کیا گیا جس میں مختلف مسلکوں سے تعلق رکھنے والے علماء و دانشوران نے شرکت کی۔رات دیر تک چلی اس دعائیہ مجلس میں اللہ کے حضور مغفرت طلب کی گئی اور ملک کے امان کے لئے حاضرین نے رو رو کر اپنے رب کو مناتے ہوئے دعا کی۔واضح رہے کہ شہریت ترمیمی قانون کے خلاف ملک میں بڑے پیمانے پر احتجاج جاری ہے، احتجاجی اس قانون کو خلاف دستور اور ملک کی یکجہتی کو کمزور کرنے اور بھائی چارے کو ختم کرنے کی بات کہتے ہوئے اسے واپس لینے کا مطالبہ کررہے ہیں۔حکومت کا یہ متنازعہ قانون پاکستان بنگلہ دیش اور افغانستان سے بھارت آئے ہندو،سکھ،عیسائی بدھ، جین، پارسی کو شہریت دینے کی بات کہی گئی اور دوسری جانب پورے بھارت میں این آر سی کرنے کا منصوبہ ظاہر کیا جس پر کئی سوال اٹھ رہے ہیں۔