پولیس افسر نے قومی ترانہ پڑھ کر مظاہرہ ختم کرایا

ریاست کرناٹکا کے شہر بنگلورو میں ہجوم کو کنٹرول کرنے کے لیے ایک پولیس افسر نے قومی ترانہ پڑھا، جس کی چوطرفہ تعریف کی جارہی ہے۔

شہریت ترمیمی قانون کے خلاف پورے ملک میں احتجاج کا سلسلہ جاری ہے۔ اس سلسلے میں بنگلورو میں بھی احتجاج کیا گیا، اس دوران ڈی سی پی بنگلورو سنٹرل، چیتن سنگھ راتھوڑ نے احتجاجیوں سے بات کرتے ہوئے کہا کہ ہجوم میں ایک ایسا شرپسند بھی ہوسکتا ہے جسے ہم پہچان نہیں سکتے اور وہ کوئی شرپسندی بھی کرسکتا ہے مگر اس کے نتیجے میں مار سب کھائیں گے۔

اس موقع پر انھوں نے احتجاجیوں سے کہا کہ اب تمام لوگ ملکر ان کے ساتھ قومی ترانہ پڑھیں اور حب الوطنی کا مظاہرہ کریں۔اس طرح مذکورہ پولیس افسر نے احتجاج کو کنٹرول کیا۔