یکم فروری کو یک روزہ بھوک ہڑتال

ریاست کرناٹک کے ضلع یادگیر کی عوامی و فلاحی تنظیم ٹیپو سلطان یوتھ کمیٹی کے ریاستی صدر ارشد دکنی نے میڈیا سے بات کرتے ہوئے کہا کہ ضلع میں وقف جائیدادوں پر سے ناجائز قبضے کو ہٹانے کے مقصد سے کمیٹی پچھلے چھ ماہ سے مسلسل جدوجہد کر رہی ہے۔

ارشد دکنی نے کہا کہ ضلع وقف بورڈ اور ضلع انتظامیہ اس سلسلے میں ہمارا تعاون کر رہا ہے جس کے لیے ہم ضلع انتظامیہ اور وقف بورڈ کا شکریہ ادا کرتے ہیں۔

ارشد نے مزید کہا کہ ضلع یادگیر میں وقف جائیدادوں کے تحفظ کے لئے ٹھوس اقدامات کرنے کی ضرورت ہے۔ ضلع یادگیر میں وقف جائیدادوں کے تحفظ کے لیے یکم فروری کو وہ یک روزہ بھوک ہڑتال کریں گے۔ اس بھوک ہڑتال میں بی جی پی مائنارٹی محکمے کے رہنما اور سابقہ مائنارٹی چیئرمین انور مانپادی شرکت کریں گے۔

ارشد دکنی نے ضلع کے عوام سے وقف جائیدادوں کے تحفظ کی خاطر اس یک روزہ بھوک ہڑتال میں شرکت کرنے کی اپیل کی ہے۔

انہوں نے کہا کہ اس یک روزہ بھوک ہڑتال کے لیے اجازت بھی حاصل کر لی گئی ہے۔