ہلاک شدگان کے اہل خانہ کو وزیراعلی کی بڑی مدد

ریاست کرناٹک کے ضلع بیدر کے بسوا کلیان میں ایک بوسیدہ مکان کی چھت گرنے سے ایک ہی خاندان کے چھ افراد ہلاک ہو گئے۔

یہ حادثہ گزشتہ روز اس وقت پیش آیا جب یہاں موسلادھار بارش ہو رہی تھی۔ مکان نہایت ہی بوسیدہ تھا اور زبردست بارش کی وجہ سے مکان منہدم ہوگیا۔

اس حادثے کے بعد ریاست کے وزیراعلی ایچ ڈی کمارا سوامی نے جائے وقوع کا جائزہ لیا اور متاثرہ خاندان کو 24 لاکھ روپے کا چیک دیا۔ متاثرہ خاندان مسلم خاندان ہے۔

ساتھ ہی افسران کو اس علاقے کی 100 دیگر بوسیدہ مکانات کی از سر نو تعمیر کی بھی ہدایت دی، اور کہا کہ وہ اس کے لیے جلد ہی رقم کو منظوری دے دیں گے۔