بنگلور: ریاست کرناٹک کے گلبرگہ شہر مغل فنکشن ہال میں مبین اسپوکن انگلش کے زیر اہتمام قومی تعلیمی ومعاشی کانفرنس کا انعقاد عمل میں آیا۔ اس موقع پر مبین خیردی نے کہا کہ نوجوان اپنے کل کے مستقبل کو سنوارنے کے لئے آج کو بہتر بنائیں۔ نوجوان ہی ہیں جو مختلف علوم و فنون میں دوسرے ممالک کے نوجوانوں کا مقابلہ کرکے اپنے ملک کا نام روشن کرسکتے ہیں۔ اسی مقصد کو لیکر اس کانفرنس کو منعقد کیا گیا ہے۔ تعلیم ہی سے انسان میں شعور آتا ہے اور وہ دنیا کی قیادت کرسکتا ہے۔
ویڈیو دیکھییے۔
انہوں نے مزید کہا کہ اس لئے طلبہ اپنی تعلیمی عمر میں ہی اپنا مقصد طے کریں اسکول یا کالج جانے سے پہلے آپ کی زندگی کا اصل مقصد خصوصاً تعلیم کا ہدف ہونا چاہیے۔ تبھی آپ کی زندگی کا ہر لمحہ آپ کو کامیابی کی طرف لے جائے گا۔