مرگیش نیرانی گلبرگہ ضلع کے نگراں وزیر مقرر

کرناٹک کے وزیراعلیٰ بی ایس یدی یورپا نے گلبرگہ ضلع کے نگراں وزیر کی حیثیت سے گووند کار جول کو ہٹادیا اور ان کی جگہ مرگیش نیرانی کو مقرر کیا۔

ریاستی وزیر مرگیش نیرانی کو گلبرگہ ضلع کا نیا نگراں وزیر بنایا گیا جس کے بعد خود مرگیش نیرانی نے اس بات کا اعلان کیا۔ انہوں نے کہا کہ وہ گلبرگہ میں جیولری پارک قائم کریں گے۔ پہلے جیولری پارک کے قیام کے لیے بیدر اور گلبرگہ اضلاع کا نام لیا جارہا تھا لیکن اب مرگیش نیرانی نے قطعی طور پر اعلان کیا کہ جیولری پارک گلبرگہ میں ہی قائم کیا جائے گا۔

یہ پارک 75 ایکٹر اراضی میں قائم کیا جائے گا۔ مرگیش نیرانی نے کہا کہ وہ گلبرگہ ضلع میں کورونا کی موجودہ ابتر حالت پر قابو پانے کے لیے موثر اقدمات کریں گے۔