یادگیر: بلاضرورت گھومنے والوں کے خلاف پولیس کی کارروائی

کرناٹک کے ضلع یادگیر میں کورونا وائرس پر مکمل قابو پانے کے لیے ضلع انتظامیہ کی جانب سے مکمل لاڈون کا اعلان کیا گیا ہے- اس دوران ہسپتال، میڈیکل اسٹور اور پٹرول پمپ کو ہی کھلا رکھنے کی اجازت دی گئی ہے۔

یادگیر سپرنٹنڈنٹ آف پولیس ویدا مودی نے کہا کہ عوام کو لاک ڈاون کے دوران بلاضرورت گھروں سے نہ نکلنے کی اپیل کی گئی تھی لیکن بعض لوگوں نے اپیل کو یکسر نظر انداز کرتے ہوئے سڑکوں پر گھوم رہے ہیں۔ یادگیر پولیس کی جانب سے اہم سڑکوں پر چیکنگ کے ذریعہ ایسے افراد کے خلاف سخت کارروائی کی جارہی ہے۔

سپرنٹنڈنٹ آف پولیس ویدا مورتی نے عوام سے گھروں میں ہی رہنے کی اپیل کی تاکہ وبا پر جلداز جلد قابو پایا جا سکے۔ انہوں نے پولیس اہلکاروں کو سختی سے چیکنگ کرنے کی بھی ہدایت دی۔

سپریڈنٹ آف پولیس نے ہر ایک کو ماسک لگانے، سماجی فاصلہ برقرار رکھنے اور کورونا وائرس سے بچنے کے لیے نافذ کی گئی پابندیوں پر سختی سے عمل کرنے کی بھی اپیل کی۔