آئی ایم اے میں حلال سرمایہ کاری کے نام پر کیے گئے دھوکہ دہی کے معاملے میں متاثرین کو ان کے سرمایہ واپس کرنے کے سلسلے میں کامپیٹینٹ اتھارٹی کی جانب سے اعلان کیا گیا ہے کہ انہیں شکایتی فارم دیے جائینگے، جو کہ 25 نومبر سے 24 دسمبر تک آنلائن پُر کیے جاسکتے ہیں۔
بنگلور: ایم آئی ایم پارٹی کا شکایتی فارمس کو پُر کرانے کے لیے تعاون کرنے کا فیصلہ اس ضمن میں آئی ایم اے متاثرین کی تنظیم انٹیگریٹیڈ ویلفیئر ایسوسی ایشن نے آل انڈیا مجلس اتحاد المسلمین کے تعاون سے متاثرین کے شکایتی فارم کو پُر کرنے میں مدد کرنے کا فیصلہ کیا ہے۔
اس موقع پر ایم آئی ایم بنگلور کے صدر شرف الدین نے بتایا کہ وہ شہر میں واقع چار پارٹی دفتروں میں اس کام کے لیے انتظام کیا جائے گا جہاں آئی ایم اے کے متاثرین پہنچ کر اپنے شکایتی فارم کو بآسانی آنلائن بھر سکیں، انہوں نے کہا کہ یہ قدم اس لیے بھی اٹھایا جارہا ہے تاکہ متاثرین کسی قسم کے استحصال کا شکار نہ ہوں.
واضح رہے کہ آئی ایم اے کمپنی نے تقریباً 1 لاکھ لوگوں کو 4 ہزار کروڑ روپے کا دھوکہ دی تھی جس کی جانچ اب سی بی آئی ایجنسی کر رہی ہے۔
آئی ایم اے کے سرغنہ منصور خان کی گرفتاری کے بعد سے لیکر حکومتوں کی مختلف ایجنسیوں نے اب تک تقریباً 475 کروڑ روپیوں کی مالیت کا اثاثہ قبضے میں لے لیا ہے، جس کے بعد متاثرین کو ان کا سرمایہ واپس کرنے کی بات کی جارہی ہے.
