امارت شرعیہ کرناٹک کی جانب سے اہم ہدایات جاری کی گئی ہیں۔
پوری دنیا میں پھیلی کورونا وائرس کی وباء نے گویا انسانیت کو موت کے گھاٹ اتارنے کی ٹھانی ہے۔ اس وباء کی روک تھام کے لئے حکومتوں کی جانب سے سخت اقدامات کیے جارہے ہیں اور ملک بھر میں لاک ڈاون کیا گیا ہے۔
ان حالات میں امارت شرعیہ کرناٹک نے مساجد میں نماز ادا کرنے کے متعلق اور خاص طور پر یوم جمعہ کی نماز کے سلسلے میں امارت شرعیہ کرناٹک کی جانب سے ایک اہم اجلاس منعقد کیا گیا اور چند اہم فیصلے لئے گئے۔
امارت شرعیہ کے رکن مولانا مقصود عمران نے کہا کہ موجودہ حالات کے پیش نظر علمائے اکرام نے فیصلہ لیا ہیکہ جمعہ کی نماز گھروں میں ہی ادا کی جائے۔انھوں نے کہا کہ مسلمان اپنے گھروں ہی میں "نماز ظہر" ادا کرے اور مسجد نہ آییں۔ جسیے ہی حالات سازگار ہوجائیں گے مساجد میں جمعہ کی نماز اور پنجوقتہ نماز شروع ہوجائے گی۔
اس موقع پر مولانا مقصود عمران نے بتایا کہ امارت شرعیہ نے علماء کرام مولانا سجاد نعمانی، مولانا ولی رحمانی اور مولانا خالد سیف اللہ رحمانی سے بھی اس پر مشورہ کیا اور ان کی ہدایات کے مطابق یہ فیصلے لئے گئے۔
