میں اگلے دو سال تک وزیر اعلی رہوں گا: یدی یورپا

کرناٹک کے وزیر اعلی اور بھارتیہ جنتا پارٹی کے سینئر لیڈر بی ایس یدی یورپا نے جمعہ کے روز اپنے بارے میں جاری قیاس آرائیوں کو ختم کرتے ہوئے کہا کہ وہ اگلے دو سال تک ریاست کے وزیر اعلی عہدے پر رہیں گے اور ریاست میں تبدیلی کا کوئی سوال نہیں ہے۔

مسٹر یدی یورپا نے یہاں صحافیوں کے سوالات کے جواب دیتے ہوئے ’’ میں اگلے برسوں تک ریاست کا وزیر اعلی ہوں گا اور اس بارے میں کوئی شبہ نہیں ہونا چاہئے ۔ کل پارٹی کے قومی جنرل سکریٹری اور کرناٹک امور کے پارٹی انچارج ارون سنگھ نے بھی واضح کر دیا تھا کہ میں اپنے عہدے پر قائم رہوں گا اور اس کے بعد ریاست میں تبدیلی کا سوال ہی پیدا نہیں ہوتا ہے‘‘۔

انہوں نے کہا’’ جب تک پارٹی کے سینئرلیڈروں کا مجھ پر اعتماد ہے ، تب تک میں اس عہدے پر قائم رہوں گا ۔ وزیر اعظم نریندر مودی اور وزیر داخلہ امت شاہ کو مجھ پر اعتماد ہے اور میں انہیں کبھی مایوس نہیں کروں گا۔ میں ریاست کا دورہ کروں گا اور لوگوں کی بہتری کے لئے کام کروں گا ‘‘۔ واضح رہےکہ گذشتہ ہفتے وزیر سیاحت سی پی یوگیشور اور پارٹی کے رکن اسمبلی اروند بیلاد کی سربراہی میں پارٹی کے متعدد اراکین اسمبلی نے دہلی کا دورہ کیا تھا اور ان پر بدعنوانی کے الزامات عائد کئے تھے ۔ اس کے بعد مسٹر یدی یورپا نے کہا تھا کہ اگر پارٹی کے سینئر لیڈر کہیں گے تواپنے عہدے سے استعفی دیں گے۔

یو این آئی