بیدر میں اعزازی شعری نشست

ادبی تنظیم یاران ادب بیدر کے زیر اہتمام معروف اردو شاعرہ رفعت آسیہ شاہین کی آمد پر ایک اعزازی شعری نشست کا انعقاد۔

ریاست کرناٹک کے ضلع بیدر میں ادبی تنظیم یاران ادب بیدر کے زیر اہتمام آندھرا پردیش کے شہر وشا کھا پٹنم سے تشریف لائی اردو کی معروف شاعرہ رفعت آسیہ شاہین کی آمد پر ایک اعزازی شعری نشست کا انعقاد عمل میں آیا۔

اس موقع پر خطاب کرتے ہوئے یاران ادب بیدر کی نائب صدر رخسانہ نازنین نے کہا کہ' ہم سب مہمان شاعرہ رفعتِ آسیہ شاہین کا یاران ادب بیدر کی جانب سے پرجوش استقبال کرتے ہیں۔

انہوں نے کہا کہ' ایسے دور میں جہاں اپنوں سے ملنےکا وقت لوگوں کے پاس نہیں ہوتا۔ ایسے وقت میں ایک شاعرہ کا اردو زبان و ادب کے فروغ کے لیے بیدر تشریف لائی ہیں، جس کے لئے ہم رفعت آسیہ شاہین کا شکریہ ادا کرتے ہیں۔

بیدرمیں اعزازی شعری نشست کا انعقاد

معلمہ نوشاد بیگم نے کہا کہ لاک ڈاؤن کے بعد پہلی بار ہمیں شہر میں ایک ادبی نشست میں شرکت کرنے کا موقع ملا جس کے لیے ہم تنظیم یاران ادب کا تہہ دل سے شکریہ ادا کرتے ہیں کہ انہوں نے اردو ادب کی ایک معروف شاعرہ کو ہمارے بیچ لاکر ادبی ذوق کو پروان چڑھایا ہے۔

مہمان شاعرہ رفعتِ آسیہ شاہین وشاکھاپٹنم نے ادبی تنظیم یاران ادب بیدر کے تمام ذمہ داران کا شکریہ ادا کرتے ہوئے کہا کہ' میں تمام احباب کا شکریہ ادا کرتی ہوں کہ جنہوں نے میرے اعزاز میں ایک اعزازی شعری نشست کا اہتمام کیا ہے۔ آپ کو بتادیں کہ بیدر اردو ادب کے گہوارہ کے طور پر جانا جاتا ہے۔