یادگیر: ضرورت مندوں کو مدد

لاک ڈاؤن کی وجہ مزدوری کرنے والوں کو کام نہ ملنے کی وجہ انھیں کافی مشکلات کا سامنا کرنا پڑ رہا ہے۔

لاک ڈاؤن کی وجہ مزدوری کرنے والوں کو کام نہ ملنے کی وجہ سے کافی مشکلات کا سامنا کرنا پڑ رہا ہے۔

ریاست کرناٹک کے یادگیر ضلع کے وارڈ نمبر 31میں کرناٹکا کلا سمیتی یادگیر کی جانب سے غرباء میں ماسک اور کھانے کے پیکٹز اور پانی تقسیم کیا گیا۔

اس موقع پر کرائم برانچ پی ایس آئی پولیس سب انسپکٹر یادگیر، کرشنا صوبیدار نے عوام سے اپیل کرتے ہوئے کہا کہ کورونا وائرس سے بچنے کے لیے سرکاری احتیاطی اقدامات پر عمل کرنا چاہیے انہوں نے عوام سے اپنے ہاتھوں کو صابن سے صاف دھونے اور اپنے اپنے گھروں میں رہنے پر زور دیا۔

اس موقع پر شنکر شاستری صدر کرناٹکا کلا سمیتی یادگیر نے تمام احباب کا شکریہ ادا کرتے ہوئے کہا کہ لاک ڈاؤن کی وجہ سے لوگوں کو دو وقت کے کھانے کےلیےکافی پریشانی ہو رہی ہے۔ 'ہم ان تمام تنظیموں کے ذمہ داران کا تہہ دل سے شکریہ ادا کرتے ہیں جنہوں نے ان غربا کی مدد کی ہے'۔

شنکر شاستری نے مزید کہا کہ محکمہ صحت کے ذمہ داران جو ہدایات آپ تمام کو بتا رہے ہیں ان پر عمل کریں اس موقع پر نوڈل آفیسر رگھو ویر سنگھ کے علاوہ دیگر موجود تھے۔