'کمار سوامی کی سیلاب متاثرین سے ملاقات'

ریاست کرناٹک کے سابق وزیراعلی ایچ ڈی کمار سوامی نے سیلاب متاثرین کے ساتھ ملاقات کرکے انہیں معاوضہ دیے جانے کا مطالبہ کیا۔

اس موقعے پر سابق وزیراعلی نے بلگام، ہبلی گدگ اور ہاویری کے سیلاب متاثرین کے حال چال معلوم کیے اور سیلاب سے تباہ ہونے والی فصل و مکان کا جائزہ لیا۔

انہوں نے ہاویری کے ہرے کیرو شہر میں سیلاب سے ہلاک ہونے والے 13 سالہ شعیب کے اہل خانہ سے بھی ملاقات کی اور انہیں معاوضہ دیے جانے کا مطالبہ کیا۔

ای ٹی وی بھارت کے ساتھ بات چیت میں انہوں نے کہا کہ' بلگام، ہبلی دھارواڈ، ہاویری ضلع میں سیلاب کی زد میں آنے سے کسانوں کی فصلیں تباہ ہوگئی ہیں۔ انہوں نے ریاستی حکومت سے سیلاب متاثرین کو مالی مدد فراہم کیے جانے کا مطالبہ کیا۔