ڈاکٹروں پر حملے کے خلاف سخت قوانین بنائے جائیں گے: کماراسوامی

کرناٹک کے وزیراعلی ایچ ڈی کماراسوامی نے ڈاکٹروں پر حملے کی مذمت کرتے ہوئے کہا کہ اس طرح کے جرم میں شامل لوگوں کو سزا دینے کے لیے مزید سخت قوانین بنانے کی یقین دہانی کرائی۔

مسٹر کماراسوامی نے جمعرات کو انفوسس فاؤنڈیشن کے مالی امداد سے قدوائی کینسر ہسپتال میں نوتعمیر آپریشن تھیٹر کا افتتاح کرنے کے بعد کہا کہ اپنی ڈیوٹی انجام دے رہے ڈاکٹروں پر بڑھتے ہوئے حملوں کی واردات کے بارے میں سن کر انہیں تکلیف ہوتی ہے۔
انہوں نے کہا کہ سبھی کو اس طرح کے واقعات کی مذمت کرنی چاہئے اور اس طرح کے واقعات کے لیے ریاست میں تین سال کی جیل کی سزا کا التزام ہے۔ ڈاکٹروں کی سلامتی یقینی بنانے کے لیے قانون کو مزید سخت بنانے کی ضرورت ہے۔

مسٹر کماراسوامی نے تعلیم اور صحت کے شعبہ میں چیریٹی کے کردار کی طرف اشارہ کرتے ہوئے کہا کہ انفوسس فاؤنڈیشن نے کروار ضلع کے مائیدانی گاؤں میں آٹھ کلومیٹر لمبی سڑک کی مرمت کے لیے مالی تعاون کے لیے آگے آئی ہے۔ ریاستی حکومت اس طرح کے کاموں میں اپنا مکمل تعاون دے گی۔
وزیر صحت شیوانند پاٹل نے اپنے خطاب میں انفوسس فاؤنڈیشن کے صدر سدھا مورتی کے کردار کی تعریف کرتے ہوئے کہا کہ انہوں نے صحت، تعلیم اور دیگر شعبوں میں کئی منصوبوں کے لیے عطیہ دیا ہے۔