گلبرگہ: مرکزی حکومت کے خلاف ٹریڈ یونینز کا احتجاج

ریاست کرناٹک کے گلبرگہ شہر میں مرکزی حکومت کی مزدور مخالف پالیسیوں کے خلاف گلبرگہ ضلع کمشنر آفس کے سامنے احتجاج کیا گیا۔

اس موقع پر آئی این ٹی یو سی کے ضلع صدر اشوک نے بتایا کہ 'ملک بھر میں کورونا وائرس لاک ڈون کی وجہ سے غریب عوام اور مزدور طبقہ پریشان حال ہے۔ ایسے حالات میں مرکزی حکومت مزدور اور عوام مخالف پالیسیوں کو جاری کر کے عوام کے لیے مشکل پیدا کر رہی ہے۔'

انہوں نے کہا کہ 'ملک میں پچھلے تین مہینوں سے مزدوروں کو کسی بھی طرح کی امداد نہیں مل سکی ہے۔ ملک بھر میں روزمرہ کی زندگی میں استعمال ہونے والی چیزوں کی قیمتوں میں دن بدن اضافہ ہوتا جارہا ہے جس سے غریب مزدوروں کا جینا محال ہو گیا ہے، اس لیے مرکزی حکومت عوام کے حق کے لیے کام کریں۔'