سڑک حادثے میں تین نوجوان ہلاک

ریاست کرناٹک کے ضلع گلبرگہ کے شاہ آباد روڈ پر حسنہ پور چوراہے کے قریب دو موٹر سائیکل ایک دوسرے سے ٹکرا گئی۔ اس حادثے میں تین نوجوان ہلاک اور دیگر پانچ زخمی ہوئے ہیں۔

اطلاعات کے مطابق حادثے میں دو نوجوان جائے حادثہ پر ہی ہلاک ہو گئے جبکہ پانچ شدید طور پر زخمی ہو گئے، زخمی نوجوانوں کو قریب کے اسپتال میں داخل کیا گیا ہے۔

ان میں سے دو کی حالت ناز ک بتائی جا رہی ہے۔ زخمی نوجوانوں میں مزمل، سہیل اور ذاکر کی شناخت کرلی گی ہے، باقی دو نوجوانوں کی شناخت اب تک نہیں ہو سکی ہے۔

ہلاک ہونے والے نوجوانون کی شناخت 18 برس کے نعیم، 18 برس کے خواجہ حسین اور مدثر قریشی جیورگی کے طور پر ہوئی ہے۔

اطلاعات کے مطابق تمام نوجوان شاہ آباد روڈ پر واقع سویمنگ پل گئے تھے اور وہاں سے واپس آرہے تھے کہ تبھی ان کے ساتھ یہ حادثہ پیش آیا۔

ٹرافک پولیس افسران نے حادثے کا جائزہ لینے کے بعد مقد مہ درج کرلیا ہے اور تحقیقات جاری ہے۔