ریاست کرناٹک کے شہر گلبرگہ میں فرقہ وارانہ ماحول کو بگاڑنے کی مبینہ کوشش کی گئی۔ یہاں کے ہفتہ گنبد کے سامنے موجود ایک دیوار پر نا معلوم شرپسندوں نے پاکستان زندہ آباد اور نریندرمودی کو گالیاں لکھ کر شہر کے امن کو خراب کر نے کی مبینہ کوشش کی۔
گلبرگہ: دیوار پر 'پاکستان زندہ باد' کا نعرہ، کارروائی کی اپیل اس موقع پر بلڈنگ کے مالک آنند چوہان نے ای ٹی وی بھارت کو بتاتے ہوئے کہا کہ 'کسی نے رات کے وقت ان کے آفس کی دیوار پر پاکستان زندہ آباد اور نریندرمودی کو گالیاں لکھ کر شہر کی پُرامن فضا کو مکدرکرنے کی کوشش کی ہے۔'
اس طرح کی حرکت کر نے والوں پر پولیس سے کارروائی کرنے کی اپیل کی گئی ہے۔ وہیں شہر میں پولیس سکیورٹی کا سخت انتظام کیا گیا ہے۔
