یادگیر: مفت طبی کیمپ کا انعقاد

کرناٹک کے ضلع یادگیر میں شہر کے ایس ایم کیر ہاسپٹل یادگیر میں صبح 10 بجے سے دوپہر ایک بجے تک طبی کیمپ کا انعقاد عمل میں آیا۔

اس موقع پر مختلف امراض کے ماہر ڈاکٹروں نے اپنا وقت نکال کر اس کیمپ کو کامیاب بنایا۔ اس موقع پر ڈاکٹر سید مسیح نے ای ٹی وی بھارت سے بات کرتے ہوئے کہا کہ 'میں تمام ڈاکٹروں کا شکریہ ادا کرتا ہوں کہ انہوں نے وقت نکال کر اس کیمپ میں شرکت کر کے اپنی خدمات پیش کیں۔

انہوں نے کہا کہ 'کورونا وائرس کے خوف سے باہر نکل کر عوام نے اسپتال آکر اپنے امراض سے متعلق ڈاکٹروں سے مشورہ لیے۔ اس موقع پر مختلف امراض کی تشخیص کے بعد دوائیں بھی دی گئیں۔