آکار پٹیل نے ٹویٹ کیا کہ مرکزی تفتیشی بیورو (سی بی آئی) کی طرف سے ایمنسٹی انڈیا انٹرنیشنل کے خلاف دائر کیس کے سلسلے میں انہیں ایگزٹ کنٹرول لسٹ میں ڈال دیا گیا ہے۔
انہوں نے ایک ٹویٹ میں کہا کہ سی بی آئی افسر نے فون کیا کہ میں مودی حکومت کے ایمنسٹی انٹرنیشنل انڈیا کے خلاف دائر کیس کی وجہ سے لک آؤٹ سرکلر پر ہوں۔
وزارت داخلہ کی جانب سے فارن کنٹری بیوشن (ریگولیشن) ایکٹ، 2010 اور تعزیرات ہند کی دفعات کی مبینہ خلاف ورزی کی شکایت کے بعد سی بی آئی نے ایمنسٹی انٹرنیشنل انڈیا اور اس کی تین ساتھی تنظیموں کے خلاف نومبر 2019 میں مقدمہ درج کیا تھا۔
یہ بھی پڑھیں:
یہ مقدمہ ایمنسٹی انٹرنیشنل انڈیا پرائیویٹ لمیٹڈ (AIIPL)، انڈینز فار ایمنسٹی انٹرنیشنل ٹرسٹ (IAIT)، ایمنسٹی انٹرنیشنل انڈیا فاؤنڈیشن ٹرسٹ (AIIFT)، ایمنسٹی انٹرنیشنل ساؤتھ ایشیا فاؤنڈیشن (AISAF) اور دیگر کے خلاف درج کیا گیا تھا۔