مسجد کے صحن میں جشن آزادی کا پرچم لہرایا

انگریزی سامراج سے ملی آزادی کے لئے ہمارے مجاہدین آزادی نے ایک انتہائی طویل اور صبر آزما جدوجہد کی اور ہنستے مسکراتے وطن کی خواطر بخوشی موت کو گلے لگایا۔ آج اس بات کی ضرورت ہے کہ ہم اس آزادی کی قیمت کو سمجھیں اور مجاہدین آزادی کو حقیقی معنوں میں خراج عقیدت پیش کریں۔

ریاست کرناٹک کے دارالحکومت بنگلور کے شہر متھیکیرے میں واقع مسجد طٰحہ کے احاطے میں پرچم کشائی کے بعد مولانا منور رشادی نے ای ٹی وی بھارت سے بتایا کہ' آج بھارت کی 74 ویں یوم آزادی کے موقع پر شہر متھیکیرے میں واقع مسجد طٰحہ جو کہ فرقہ وارانہ ہم آہنگی کے لئے مشہور ہے یہاں یوم آزادی کا جشن منایا گیا اور مجاہدین آزادی کو خراج عقیدت پیش کی گئیں۔

اس موقع پر علماء و دانشوران نے اپنی آراء کا اظہار کرتے ہوئے کہا کہ' آج اس بات کی اشد ضرورت ہے کہ ہم ہمارے مجاہدین آزادی کا دیکھے ہوئے خوابوں کی تعبیر بنیں اور انہوں نے جس بھارت کا خواب دیکھا تھا اسے حقیقی شکل دینے کی کوششیں کریں۔