کرناٹک: 28 ستمبر کو بند کا اعلان

مرکز کے زرعی بل کو منظوری دیے جانے پر کسان اور سماجی تنظیموں کی جانب سے 28 ستمبر کرناٹک کو بند کرنے کا اعلان کیا ہے۔

ریاست کرناٹک کے گلبرگہ شہر میں کسان اور سماجی تنظیموں نے زرعی بل کی مخالفت کی۔ 28 ستمبر کو کسانوں اور سماجی تنظیموں نے زرعی بل کی مخالف پالیسیوں کے خلاف احتجاج کرنے کا اعلان کیا ہے۔

اس موقع پر کرناٹک پرانت کسان تنظیم کے نائب صدر مولا ملا نے کہا مرکزی حکومت کے جانب سے اے پی ایم سی، لینڈ ریفارم ایکٹ، برقی بل اور کئی عوامی مخالف پالیسیوں کو مرکزی حکومت نے پارلیمنٹ میں منظور دے دی ہے۔ اس کے خلاف ملک بھر میں کسان اور سماجی تنظیموں نے جگہ جگہ احتجاج کیا ہے۔

ملک بھر میں عوام کورونا وائرس سے پریشان حال ہیں لیکن مرکزی حکومت اپنی من مانی کر تے ہوئے عوام کے مخالف پالیسیوں کو جاری کر کے عوام کو مزید مشکل میں ڈال رہی ہے۔ جس کے سبب کرناٹک میں 28 ستمبر کو 'کرناٹک بند' کا اعلان کیا گیا ہے۔