مریضوں کی امداد کے لیے خصوصی پیکج کا مطالبہ

بنگلور میں سماجی کارکنان کے ایک وفد نے مقامی رکن پارلیمان سے ملاقات کرکے کورونا وائرس کے علاوہ دیگر امراض سے متاثر غریبوں کی مدد کرنے کی اپیل کی ہے۔

لاک ڈاؤن کے دوران عوام میں پھیل رہی غربت کی کوئی انتہا نہیں اور خاص طور پر کسی سے سوال نہ کرنے والے متوسط طبقے کے لوگوں کا اضطراب دردناک ہے۔

ان حالات میں صرف کورونا وائرس ہی نہیں بلکہ کئی غریب و متوسط طبقے کےافراد کینسر سمیت دیگر امراض میں مبتلا ہیں جن کا کوئی پرسان حال نظر نہیں آرہا ہے۔

اس سلسلے میں شہر کے سماجی کارکن تنویر احمد کی قیادت میں ایک وفد نے آج بنگلورو سینٹرل سے لوک سبھا کے رکن پی سی موہن سے ملاقات کر انہیں میمورنڈم سونپا اور کہا کہ وہ وزیر اعلیٰ سے اس سے متعلق بات کریں اور بڑے امراض میں مبتلا غریبوں کے علاج کے لئے کوئی مناسب انتظام کریں۔