ریاست کرناٹک گلبرگہ شہر میں سی پی آئی یم پارٹی CPIMکے جانب گلبرگہ ضلع کمشنر آفس کے سامنے مرکزی حکومت کے خلاف احتجاج کیا گیا۔
اس موقع پر آل انڈیا مہیلا تنظیم کی ریاستی سکریٹری کے لیلا نے کہا کہ ملک بھر میں آئے دن اقلیتوں پر حملے ہورہے ہیں اور ناانصافی کی جارہی ہے۔ انہوں نے کہا کہ جب سے بی جے پی اقتدار پر آئی ہے تب سے مسلمانوں، عیسائیو اور دیگر اقلیتوں کے علاوہ دلتوں پر حملے کئے جارہے ہیں۔
انہوں نے کہا کہ اقلیتوں کی عبادت گاہوں پر حملے ہورہے ہیں مگر بی جے پی حکومت کے جانب سے کوئی کاروائی نہیں کی جارہی ہے۔ ملک کی ترقی کےلیے بی جے پی حکومت کچھ نہیں کررہی ہے جبکہ اپنی ناکامی کو چھپانے کےلئے مرکزی حکومت مذہب کے نام پر نفرت کا بیج بور ہی ہے۔ ملک بھر میں سی پی آئی ایم پارٹی اقلیتوں کے ساتھ ہورہی ناانصافیوں کے خلاف اپنی آواز کو بلند کررہی ہے۔
اس موقع پر سی پی آئی ایم کے رکن جاوید نے کہا کہ ملک بھر میں بی جے پی حکومت کے خلاف کسان مزدور اور دیگر سیکولر تنظمیں ایک ہو کر عوام کے ساتھ ہونے والے ظلم اور ناانصافی کے خلاف آواز اٹھارہے ہیں۔
انہوں نے کہاکہ ملک میں امن بھائی چارگی کو برقرار رکھنے کے لئے فرقہ پرستی تنظیموں کے خلاف آواز اٹھانے کی ضرورت ہے، جس کے لئے ملک کی تمام عوام کو اتحاد کے ساتھ مل کر اپنی آواز کو بلند کرنا ہوگا۔