ریاست کرناٹک کے ضلع یادگیر میں تنظیم بزم نادر اسلوبی کے زیراہتمام شاعر مشرق ڈاکٹر علامہ اقبال کے یوم پیدائش پر عالمی یوم اردو کے موقع پر اردو زبان کی بقاء اور اردو زبان کو ترقی دینے والے احباب کو تہنیت پیش کی گئی۔
عالمی یوم اردو کے موقع پراردو سے تعلق رکھنے والوں کو تہنیت پیش کی گئی اس موقع پر تنظیم کی جانب سے اردو کتب فروش، اردو صحافیوں، اردو پرنٹنگ پریس اور شہر کے سب سے قدیم اور پہلے اردو اسکول عبدالکلام اسکول کے ذمہ داران کو تہنیت پیش کی گئی۔ عالمی یوم اردو کے موقع پراردو سے تعلق رکھنے والوں کو تہنیت پیش کی گئی
زین ٹی وی کے صحافی عبداللہ بن احمد چاؤش نے ای ٹی وی بھارت سے بتایا کہ ہم تنظیم بزم نادر اسلوبی یادگیر کا شکریہ ادا کرتے ہیں کہ انہوں نے عالمی یوم اردو کے موقع پر نہ صرف صحافی بلکہ ہر اس شعبہ سے تعلق رکھنے والے احباب جو اردو سے تعلق رکھتے ہیں، ان تمام احباب کی خدمت میں تہنیت پیش کی جس کے لیے ہم لوگ تنظیم کا شکریہ ادا کرتے ہیں۔
