الرضا رضوی تنظیم کی جانب سے اجتماعی شادی کا اہتمام

الرضا رضوی تنظیم کے صدرعبد الستار رضوی نے کہا کہ آج اس مہنگائی کے دور میں بھی امیروں کی شادیاں بڑے دھوم دھام اور فضول خرچی کے ساتھ ہو تی ہیں، لیکن غریب اور یتیم بچیوں کا کوئی سہارا نہیں ہوتا ہے۔

ریاست کرناٹک کے ضلع ہاویری میں اجتماعی شادیوں کی ایک عظیم الشان تقریب کا انعقاد عمل میں آیا۔

اس تقریب میں ایک ساتھ 18 جوڑے رشتہ ازدواج سے منسلک ہوئے، ریاست کرناٹک کے ہاویری شہر میں پہلی بار الرضا رضوی تنظیم کی جانب سے یہ اقدام کیاگیا۔

واضح رہے کہ گذشتہ کئی برسوں سے اس تنظیم کی جانب سے مذہبی، ملی سماجی خدمات انجام دیئے جارہے ہیں۔

اطلاع کے مطابق اس بار کسی سیاسی رہنما کے بغیر تنظیم میں شامل نوجوان طبقے کی جانب سے مسلم سماج کی غریب اور یتیم لڑکیوں کے لئے یہاں کے کاگ نہلی روڈمیں 18 جوڑوں کی شادیوں کا اہتمام کیاگیا، جس میں ہندو، مسلم سمیت تمام مذہبی رہنماؤں نے بڑی تعداد میں شرکت کی۔

اس موقعہ پر الرضا رضوی تنظیم کے صدر عبدالستار نے ای ٹی وی بھارت کو بتاتے ہوئے کہا کہ مسلم سماج میں غریبی کی وجہ سے کئی غریب اور یتیم بن بیاہی لڑکیاں اپنے گھروں میں ہی بیٹھی ہیں۔

آج اس مہنگائی کے دور میں بھی امیر وں کی شادیاں بڑے دھوم دھام اور فضول خرچی کے ساتھ ہو تی ہیں، لیکن غریب اور یتیم بچیوں کا کوئی سہارا نہیں ہوتا ہے۔

ان تمام حلات کے مدنظر شادیوں کو آسان اور فضول خرچی سے بچانے کےلئے تنظیم کی جانب سے یہ اقدام کیے گئے۔

اطلاع کے مطابق اس تقریب میں 18 جوڑیے رشتہ ازدواج سے منسلک ہوئے ساتھ ہی دولہن کے لئے 15ہزار کا سونا اور زندگی گزارنے کے لئے ضروری چیزیں بھی مہیا کرائی گئیں۔