گاندھی جینتی کے موقع پر صفائی ابھیان

مہاتما گاندھی جینتی کے موقع پر یادگیر میں بھارتیہ جنتا پارٹی یوتھ کی جانب سے سوچھ بھارت مشن کے تحت صفائی مہم کا آغاز عمل میں آیا۔

ریاست کرناٹک کے ضلع یادگیر میں مہاتما گاندھی جینتی کے موقع پر بھارتیہ جنتا پارٹی یوتھ کی جانب سے وارڈ نمبر 2 اور 3 میں سوچھ بھارت مشن کے تحت صفائی مہم کا آغاز کیا گیا۔ اس موقع پر بی جے پی یوتھ کے رہنما امبیا نے کہا کہ' ضلع یادگیر بی جی پی یوتھ صدر موہنیش کی صدارت میں بلدیہ حلقہ نمبر 2 اور 3 میں بھارت مشن کے تحت صفائی مہم چلائی گئی۔

انہوں نے کہاکہ' وزیراعظم نریندر مودی نے ملک میں سوچھ بھارت مشن کے تحت جو صفائی مہم کی شروعات کی تھی ہم لوگ اسی پر چلتے ہوئے آج سوچھ بھارت کے تحت صفائی کر رہے ہیں۔

گاندھی جینتی کے موقع پر صفائی ابھیان

انہوں نے مزید کہا کہ ہم عوام سے اپیل کرتے ہیں کہ وہ محلے اور وارڈ میں صفائی کا خاص خیال رکھیں صفائی ستھرائی سے صحت بھی اچھی رہتی ہے اور بیماریاں بھی قریب نہیں آتی اس لیے اپنے اپنے حلقے میں صفائی مہم چلاتے ہوئے اپنے وارڈ کو صاف رکھیں اور سماج کو صحت مند رکھیں اس موقع پر بی جے پی یوتھ کے دیگر کارکنان موجود رہے۔