بنگلور: مسجد فضل میں خون عطیہ کیمپ کا انعقاد

مسجدوں کو نہ صرف نمازوں تک محدود رکھا جائے، بلکہ ان میں زمانہ صحابہ کی طرح یونیورسٹی، کورٹ و تمام تر خدمت خلق کا مرکز بناییں، اس پیغام کے ساتھ شہر کی اقرا اکیڈمی کے نوجوانوں کی جانب سے مقامی 'مسجد فضل' میں ایک خون عطیہ کیمپ کا انعقاد کیا گیا۔

اس موقع پر خون عطیہ کیمپ کے کنوینر فہد ارشد نے بتایا کہ' مسجد میں خون عطیہ کیمپ کا انعقاد خالص خدمت خلق ہے، انہوں بتایا کہ اس کیمپ میں کل 61 خون کے یونٹس جمع ہوئے ہیں۔

اس موقع پر اقرا اکیڈمی کے رکن محمد ادریس نے بتایا کہ مسجد میں منعقد خون عطیہ کیمپ میں غیر مسلم برادران نے بھی خون عطیہ دیا ہے۔ اس موقع پر فہد ارشد نے متولیان مساجد و ائمہ کرام سے اپیل کی کہ وہ مساجد کو خدمت خلق کا مرکز بنائیں کیونکہ یہاں سے بڑے پیمانے پر لوگوں کو فائدہ پہنچ سکتا ہے۔