ریاست کرناٹک کے ضلع بیدر سے 85 کلو میٹر دور میں واقع درگاہ حضرت سید تاج الدین شیرسواربسوا کلیان ہے۔
درگاہ حضرت سید تاج الدین شیر سوار بسوا کلیان خواجہ ضیاءالحسن سجادہ نشین آستانہ درگاہ حضرت سید تاج الدین شیر سوار نے ای ٹی وی بھارت سے بات کرتے ہوئے بتایا کہ آستانہ درگاہ حضرت سید تاج الدین شیر سوار بسوا کلیان ہمیشہ ہندو مسلم اتحاد کا مرکز رہا ہے۔
انہوں نے بتا یا کہ یہاں پر ہر طرح کی جسمانی و روحانی مریض فیض پاتے ہیں، ان مریضوں کو خاص قسم کے کڑے پہنائے جاتے ہیں، یہ کھڑے ہرماہ کی اماوس کو پہنائے جاتے ہیں۔
اس آستانے پر ہر ماہ مختلف امراض کے لوگوں کو جسمانی بیماری دور کرنے اور شفا پانے کے لئے دور دراز سے لوگ آتے ہیں۔
انہوں نے کہا کہ اللہ کے کرم، اور صلی اللہ علیہ وسلم کے وسیلے سے، اور حضرت سید تاج الدین شیر سوار کی دعاؤں سے یہاں ہزاروں لاکھوں کی تعداد میں ہندو مسلم سمیت تمام مذاہب کے ماننے والے لوگ فیض یاب ہورہے ہیں۔
سجادہ نشین نے حضرت سید تاج الدین شیر سوار کے مختلف کرامات کا بھی ذکر کیا، اس موقع پر درگاہ حضرت سید تاج الدین شیر سوار سے فیض پانے والوں نے کہا کہ ہمارے باپ دادا اس درگاہ کو آتے تھے، اور ہم بھی اس آستانہ کو آرہے ہیں اور فیضیاب ہو رہے ہیں۔
ہمارا تو یہ عقیدہ ہے کہ آج ہم جو کچھ بھی ہماری ترقی اور خوشحالی ہے وہ اسی آستانہ کے صدقے طفیل ہے۔
