بنگلور تشدد سے متعلق بنگلور فیکٹ فائنڈنگ کمیٹی کی جانب سے تیار کردہ رپورٹ کا کرناٹک ہائی کورٹ کے ریٹائرڈ جج موہن داس کے ہاتھوں اجرا عمل میں آیا۔
اس سلسلے میں ای ٹی وی بھارت سے خصوصی بات کرتے ہوئے فیکٹ فائنڈنگ کمیٹی کے رکن ایڈوکیٹ نیاز موسا نے بتایا کہ اس پورے معاملے میں پولیس کی لاپرروائی صاف دیکھی گئی ہے۔
انہوں نے بتایا کہ اس کیس سے متعلق پولیس کے اعلیٰ افسران سے بات کرنے پر انہیں ایف آئی آر درج کرنے میں ہوئی تاخیر کے بارے میں اطمنان بخش جواب نہیں ملا۔
ایڈوکیٹ نیاز نے بتایا کہ تشدد کے بعد والے مرحلے میں ہوئی گرفتاریاں سپریم کورٹ کی ہدایات کے مطابق نہیں ہوئی ہیں۔ انہوں نے مزید بتایا کہ اس کیس میں ملزمین پر ریاستی بی جے پی حکومت کی جانب سے یو اے پی اے کا لگایا جانا سراسر غلط ہے۔
انہوں نے مزید بتایا کہ آج بنگلور تشدد کے معاملے کو این آئی اے (قومی تحقیقاتی ایجنسی) کے حوالے کردیا گیا ہے۔