بنگلورو: سڑک حادثے میں رکن اسمبلی کا لڑکا سمیت سات افراد ہلاک

بنگلورو میں ایک دردناک سڑک حادثہ پیش آیا، جہاں ہوسورو سے رکن اسمبلی سمیت سات لوگوں کی موت ہوگئی۔ حادثہ کار کے بجلی کھمبے سے ٹکرانے کے سبب ہوئی ہے۔

بنگلورو: کرناٹک کے بنگلورو میں ایک تیز رفتار آڈی کار ایک خوفناک سڑک حادثے کا شکار ہوگئی، جس میں سات افراد ہلاک ہوگئے۔ خبر کے مطابق تیز رفتار آڈی کار سڑک کنارے بجلی کے کھمبے سے جا کر ٹکرائی۔ اس حادثے میں کار میں سوار چھ افراد موقع پر ہی دم توڑ دیے جبکہ ساتویں شخص کی موت ہسپتال لے جاتے وقت ہوگئی۔

جانکاری کے مطابق ہوسورو سے رکن اسمبلی کا بیٹا بھی مرنے والوں میں شامل ہے۔ حادثہ کورمنگلا میں منگل کنونشن ہال کے قریب پیش آیا۔ معلومات کے مطابق ایک لگژری آڈی کار بجلی کے کھمبے سے ٹکرا گئی۔ اس حادثے میں کار میں سوار تین خواتین اور چار مرد ہلاک ہوگئے۔ پولیس نے معاملے کی تفتیش شروع کردی ہے۔واقعہ کے فورا، بعد پولیس نے جائے وقوع کا دورہ کر معائنہ کیا۔

مرنے والوں میں رکن اسمبلی کا نوجوان لڑکا بھی شامل

مرنے والوں میں رکن اسمبلی پرکاش کا لڑکا کورون ساگر بھی شامل ہیں۔

اس سے قبل کرناٹک کے مانڈیا ضلع میں ایک دردناک سڑک حادثہ پیش آیا۔ جس میں ایک ہی خاندان کے تین افراد کی موت ہوگئی۔ کار چامراجن نگر ضلع کے ہلگورو سے بنگلورو جارہی تھی۔ اسی وقت ہلگورو کے قریب کار کھائی میں گر گئی اور آگ لگ گئی۔ اس حادثے میں زخمی ہونے والے دو دیگر افراد کو بنگلور کے ایک نجی اسپتال میں داخل کرایا گیا۔