'دلتوں کی شادی ہونا مشکل ہے'

ریاست کرناٹک کے ضلع گلبرگہ کے جوارگی تعلقہ میں واقع ملالی دیہات میں دلت طبقے کے ایک نوجوان ملک ارجن ملگیری کی شادی تھی ، جب اس کی بارات نکلی تو اعلی ذات کے ہندوں نے اس پرحملہ کر دیا۔

دلت رسم و رواج کے تحت شادی کر کے وہ اپنے گھر جا رہے تھے، اعلیٰ ذات کے لوگوں نے مبینہ طور پر دلت سماج کے افراد سے کہا کہ 'دلتوں کی شادی ہونا مشکل ہے، اس لیے انہیں شادی کی بارات نہیں نکالنا چاہیے اور اس کے بعد ان پر لاٹھی اور پتھروں سے حملہ کر دیا گیا۔'

اس واقعہ میں تقریباً 6 افراد زخمی ہوئے ہیں جس میں ایک بچی بھی شامل ہے۔

زخمی افراد کو گلبرگہ کے سرکاری اسپتال میں علاج کے لیے داخل کرایا گیا ہے۔

جوارگی پولیس اسٹیشن میں شکایت درج کی گئی ہے اور پولیس کارروائی کرنے میں مصروف ہے۔

اس واقعے کے بعد ملالی دیہات میں پولیس کے انتظامات سخت کر دیے گئے ہیں اور ضلع ایس پی مارٹن نے ملزمین کے خلاف سخت کارروائی کرنے کی بات کہی ہے۔