یاد گیر: خورد و نوش کی اشیا کی تعاون کی اپیل

ریاست کرناٹک ضلع یادگیر میں تنظیم المسلمین بیت المال یادگیر اور نوجوانان کی جانب سے غریب بے سہارا اور مستحق افراد کے درمیان گزشتہ کئی دنوں سے خورد نوش کی اشیا تقسیم کیے جا رہے ہیں۔

یادگیر کی تنظیم تحفظ ختم بنوت کے صدر برہان الدین اظہر نے ای ٹی وی بھارت سے بات چیت میں یادگیر کی فلاحی تنظیموں اور نوجوانوں کی جانب سے کیے جارہے فلاحی کاموں کی ستائش کی اور شہر کے صاحب استطاعت سے ان نوجوانوں کی امداد کی اپیل کی۔

اس دوران انہوں نے کہا ہے کہ شہر کے نوجوانوں کی جانب سے لاک ڈاون کے درمیان چلائے جا رہے رفاہی کاموں میں اپنا تعاون کریں جو بلا تفریق مذہب وملت لوگوں کے تعاون میں سرگرم ہیں۔

برہان الدین اظہر نے تعاون کرنے والے احباب سے بیت المال یادگیر یا نوجوانان سے رابطہ کرنے کی اپیل کی اور کہا کہ اس فلاحی کاموں میں مزید استحکام کی ضرورت ہے تا کہ بے یارو مددگار اور لاک ڈاون کے سبب مفلسی کو مجبور افراد کی مدد میں اسے مزید تقویت اور غیر معمولی استحکام ہو۔